Vedat Muriqi, mungesa e madhe e Kosovës për ndeshjet me Moldavinë dhe Greqinë – FFK jep shpjegime për situatën

18:31 31/08/20202min111
Vedat-Muriqi

 

‘Dardanët’ më 3 shtator përballën me Moldavinë, në sfidën që do të zhvillohet në Itali, ndërsa më 6 shtator, në ‘Fadil Vokrri’ presin Greqinë.

Edhe kjo ndeshje ka gjasa të zhvillohet në Itali, shkaku i COVID-19 dhe këtë e ka pranuar kryetari i FFK-së, Agim Ademi.

Përzgjedhësi i Kosovës, Bernard Challandes ka publikuar listën për këto ndeshje, ku shihet mungesa e dy yjeve, Vedat Muriqi i Fenerbaçes dhe Edon Zhegrova i Genkut.

Ndihmësi i Bernard Challandes, Muharrem Sahiti, ka folur për mungesën e Muriqit, ndërsa ka dhënë sqarime edhe për Edon Zhegrovën.

Vedat Muriqi (Foto: Ridvan Slivova/Telegrafi)

“Na ka ardhur konfirmimi zyrtar nga Fenerbahçe se Vedati është i lënduar. Edon Zhegrova do të jetë i grumbulluar, por përfshirja në listë varet nga përgatitja fizike”, ka thënë Muharrem Sahiti për Zeri.info.

Kosova është pjesë e Ligës C dhe bën pjesë në grupin 3 bashkë me Slloveninë, Greqinë dhe Moldavinë.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto