U la nën arrest shtëpiak pasi kreu disa muaj burg, por shqiptari nuk e harron zakonin! Policia e vuri nën vëzhgim dhe i zbuloi 11 mijë euro dhe…

19:07 22/09/20202min89
in-casa-armi-e-18-chili-di-cocainaseriate-arrestato-un-albanese_6e64cb34-a498-11e9-9214-0f42caee0d81_700_455_big_gallery_linked_i

Ai u dënua me 1 vit burg sepse u kap në flagrancë duke transportuar gjysmë kg kokainë. Një burrë shqiptar, pasi kaloi dy muaj në qeli, u vendos më pas në arrest shtëpiak në shtëpinë e tij.

Sidoqoftë, pavarësisht masës së vendosur, dyshimet për rifillimin e tij në biznesin e tregtisë u bënë gjithnjë e më konkrete.

Për këtë arsye, policia pasditen e së premtes së shkuar, duke pasur parasysh afrimin e fundjavës, kur konsumi rritet dhe si pasojë, shitja e drogës arrin kulmin më të lartë, e vunë nën vëzhgim shtëpinë e tij.

U deshën disa minuta që policia e Pesaro-s të kuptonte se dyshimet ishin të bazuara. Në fakt, nën shtëpinë e burrit, një klient i rregullt i shqiptarit që sapo kishte dalë nga shtëpia e tij u bllokua dhe iu nënshtrua kontrollit. Atij iu gjetën dy doza kokainë prej 3 gtamësh.

Kontrolli i mëvonshëm në shtëpinë e shqiptarit çoi në sekuestrimin e tre pakova të vogla me gjithsej rreth 80 gr. kokainë, e fshehur brenda një kavanozi.

Për më tepër, në xhepin e një xhakete të vendosur në një dollap, u gjet shuma e parave prej rreth 11,000 €, të cilat u sekuestruan.

Si pasojë, shtetasi shqiptar u arrestua dhe u dërgua përsëri në burgun Villa Fastiggi. Arrestimi më pas u vërtetua nga Autoriteti Gjyqësor, i cili urdhëroi kujdestarinë paraprake në burg të të dyshuarit.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto