“Ti je k***”, publikohet audio e sherrit, nusja akuzon vjehrrën: Më dhunon prej 10 vitesh. Reagimi: Ka lidhje me burra të tjerë dhe…

14:04 08/10/20205min318
Screenshot_3-6 (1)

Është 32 vjeç. Ndryshe nga bashkëmoshataret e saj në lëkurë nuk ka ‘make up’ por hematoma nga dhuna gati 10-vjeçare që përjeton nga vjehrra e saj. Kjo është historia e Fabiola Gjonçaj e cila ishte sot pjesë e emisionit “Me zemër të hapur” në News24.

Në datën 29 shtator pasi mori vajzën nga shkolla për ta shoqëruar në shtëpi Fabiola Gjonçaj u përball me dhunën e së vjehrrës Violeta Gjonçaj. 65-vjeçarja në sy të mbesës së mitur godiste dhe ofendonte nusen e saj. Çështja u adresua në policinë e Tiranës dhe ajo i dha menjëherë urdhër mbrojtjeje, e cila u vlerësua edhe nga gjykata e Tiranës.

Ky ishte episodi i fundit i një dhune që zgjat prej 10 vitesh, por që për hir të opinionit dhe të marrëdhënieve familjare nuk ishte denoncuar më herët. 32- vjeçarja tregon se vetëm 2 muaj ka pasur marrëdhënie të mira me vjehrrën.

32-vjeçarja do të tregojë jetën e saj të vështirë mes dhunës drogës dhe paragjykimeve.

“Me bashkëshortin jam njohur në një qendër “Aksion+” ku ai trajtohej për lënien e heroinës ndërsa unë punoja. Aty u dashuruam dhe nisëm bashkëjetesën. Pasi erdha në Tiranë, vjehrra vetëm 2 muaj më priti mirë pastaj vetëm sherr. Doja të jetoja më vete me burrin por nuk munda.

Me çfarë jetonte familja?
Unë punoja në call center. Më pas ika me burrin në Gjermani për azil. Jetuam 2 vite e gjysmë. Në fillim shkonim mirë pastaj ai i çonte lekët vjehrrës. Ajo na vinte aty. Shkelëm rregullat dhe na përzunë.

Kthimi në Shqipëri ishte fatal?
Po sepse im shoq iu kthye heroinës dhe kreu dhe vepra të tjera penale. Qëndruam 6 muaj në kërkim se ky kishte vjedhur një brezore me 1.5 mln lekë. Vjehrra më akuzoi mua për këtë vjedhje.

Çfarë ndodhi në 29 shtator?
Shkova të merrja vajzën nga shkolla dhe roja dhe mësuesja u ankuan sepse ajo kishte shkuar ta merrte vajzën pa mbaruar mësimi. Ajo donte ta merrte para meje sepse shkon në treg dhe vjedh gjera.

Kur i ke mësuar këto?
Tani mi ka treguar vajza. Edhe para një jave kishte vjedhur një palë pupa. I kam thënë edhe në polici këto.

Çfarë ndodhi më pas?
Sa hapa derën më ofendoi me fjalë të rënda. Vajza nga frika mbylli derën. Vjehrra e goditi me shkelm më kapi nga duart dhe më goditi me shkelm. Kam dashur dhe më parë ta denoncoj por më ka penguar im shoq. Ajo më ka nxjerrë jashtë edhe kur kam qenë 8 muajsh shtatzënë.

Reagon vjehrra
Pas akuzave të nuses së djalit ka reaguar vjehrra Violeta Gjonçaj. Ajo thotë se nusja e saj ka lidhje me djem të tjerë dhe përdor drogë. “Ajo para 2 ditësh më goditi në kokë me një gjë të fortë”, deklaroi ajo në emision.
Më pas zonja Violeta tha që t’i referohen policisë dhe u largua nga telefoni.

Drejtuesja e emisionit Evis Ahmeti vuri fokusin tek situata e vajzës 8 vjeç të Fabiola Gjonçajt, e cila rritej në një ambient të dhunshëm. Në emision erdhi dhe një audio e regjistruar gjatë bisedave dhe zënkave në shtëpi, ku dëgjoheshin fjalë banale.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto