Sabri Fejzullahu nuk i mban emocionet ndërsa merr nënshtetësinë shqiptare, puth disa herë pasaportën pasi i dorëzohet

22:54 10/09/20202min274
sabrijaaaa-780x439

Këto ditë, këngëtari i njohur Sabri Fejzullahu dhe bashkëshortja e tij, Nera, janë pajisur me pasaportë shqiptare.

Presidenti i Shqipërisë, Ilir Meta, ka nënshkruar pasaportat e tyre dhe tani familja Fejzullahu janë zyrtarisht shtetas të Shqipërisë.

Teksa këngëtari ndau një fotografi me ndjekësit e tij në rrjetet sociale për gëzimin e përjetuar pas marrjes së pasaportës, një video është shpërndarë së fundmi në Facebook, duke treguar ekzaltimin e Fejzullahut pasi mori nënshtetësinë shqiptare.

Videoja e shfaq Sabriun në sportel, teksa merr pasaportën dhe e puth atë disa herë pas marrjes.

Mesa duket ndjenja patriotike dhe dëshira për të poseduar pasaportë shqiptare ndër vite, ka qenë një ëndërr e kamotshme e këngëtarit Fejzullahu, i cili ka një karrierë të suksesshme në Kosovë dhe Shqipëri.

Me nënshtetësi shqiptare tani janë edhe fëmijët e Sabriut, Ermali me bashkëshorten dhe fëmijët e tyre, përkatësisht nipërit e mbesat e Sabriut dhe Nerës.


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto