“Rezultate të jashtëzakonshme”/ Dr. Anthony Fauci reagon ndaj zbulimit se një vaksinë kundër koronavirusit është 90% efektive

18:34 09/11/20201min95
fauci-400x225

Dr. Anthony Fauci, eksperti kryesor i sëmundjeve infektive në SHBA, ka thënë se gjetjet e Pfizer për vaksinën kundër coronavirusit që është më shumë se 90% efektive ishin “të jashtëzakonshme”.

“Rezultatet janë me të vërtetë mjaft të mira, dua të them të jashtëzakonshme”, tha Fauci, drejtor i Institutit Kombëtar të Alergjisë dhe Sëmundjeve Infektive, sipas Washington Post, përcjell Telegrafi.

Kompania është ende në pritje të të dhënave mbi sigurinë, të cilat pret që të vihen në dispozicion deri në javën e tretë të nëntorit, sipas një njoftimi për shtyp, shkruan FoxNews.

Komentet e Faucit, vijnë vetëm dy ditë pasi ai i tha Shoqatës Mjekësore Amerikane (AMA) se sapo të miratohet një vaksinë – dhe sapo një pjesë e konsiderueshme e popullsisë ta marrë atë – vendi mund të shohë një shfaqje të normalitetit në vitin tjetër.

Ndryshe, vaksina eksperimentale kundër coronavirusit është zhvilluar nga kompania farmaceutike amerikane Pfizer në bashkëpunim me kompaninë e bioteknologjisë gjermane, BioNTech.

Të dyja palët deklaruan të hënën se vaksina e tyre tashmë ka rezultuar 90 për qind efektive.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto