Pak ditë pas prezantimit të bujshëm të vaksinës anti-covid, Putin ‘tradhtohet’ nga mjeku rus

17:58 14/08/20202min105
c20ea77fbdc58de6490afb50dabc7939_L

Pak ditë më parë, Presidenti rus Vladimir Putin prezantoi vaksinën ruse anti-COVID, për të cilën tha se nuk kishte asnjë rrezik dhe ishte testuar edhe te vetë vajza e Presidentit.

Kjo vaksinë ka ngjallur shumë debate, pasi shtetet e tjera nuk besojnë që vaksina të jetë testuar siç duhet.

Ndërkohë, edhe mjeku drejtues i sëmundjeve respiratore në Rusi, Alexander Chuchalin, ka dhënë dorëheqjen për shkak të shkeljeve të mëdha të etikës mjekësore që u bënë përmes vaksinës së re ruse.

Chuchalin ka akuzuar dy mjekët kryesorë që janë përfshirë në studim, duke thënë se nxituan në prodhimin e vaksinës.

Më tej, ai përmendi emrin e profesorit, Alexander Gintsburg, drejtor i Qendrës së Kërkimeve ‘Gamaleya’ për Epidemiologji dhe Mikrobiologji dhe profesorin, Sergey Borisevich, kolonel mjekësor dhe virolog i lartë i ushtrisë ruse, të cilët ishin akademikët kryesorë që ndihmuan në zhvillimin e vaksinës.

“A i keni kaluar të gjitha rrugët e nevojshme të aprovuara nga legjislacioni i Federatës Ruse dhe bashkësia shkencore ndërkombëtare? Jo! Kjo punë nuk është bërë siç duhet. Kështu që, një nga parimet etike të mjekësisë është shkelur rëndë”- është shprehur Chuchalin para se të largohej nga detyra.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto