NATO rikthen paqen mes Turqisë dhe Greqisë: Për të ulur rrezikun e incidenteve në Mesdheun Lindor krijuam…

19:49 01/10/20203min108
Greqi-Turqi

Greqia dhe Turqia duket se i kanë ulur tensionet e krijuara në Mesdheun Lindor. Një lajm të tillë e ka konfirmuar vetë Aleanca e NATO-s, përmes një shënimi në faqen zyrtare, ku pohohet se tashmë është krijuar edhe një mekanizëm dypalësh ushtarak.

greqi turqi

“Pas një sërë takimesh teknike midis përfaqësuesve ushtarakë të Greqisë dhe Turqisë në Selinë e NATO-s në Bruksel, erdhëm deri te krijimi i një mekanizmi dypalësh ushtarak. Mekanizmi është krijuar për të zvogëluar rrezikun e incidenteve dhe aksidenteve në Mesdheun Lindor”, thuhet në deklaratë.

Bisedimet teknike për krijimin e një mekanizmi ushtarak filluan në fillim të shtatorit dhe u iniciuan nga Sekretari i Përgjithshëm i NATO-s, Jens Stoltenberg pas kontakteve të nivelit të lartë me Greqinë dhe Turqinë.

Stoltenberg tha: “Unë mirëpres krijimin e një mekanizmi ushtarak të de-përshkallëzimit të konfliktit, i arritur përmes angazhimit konstruktiv të Greqisë dhe Turqisë, të dy aleatë me vlerë të NATO-s. Ky mekanizëm i sigurisë mund të ndihmojë në krijimin e hapësirës për përpjekjet diplomatike për të adresuar mosmarrëveshjen themelore dhe ne jemi të gatshëm ta zhvillojmë atë më tej. Unë do të qëndroj në kontakt të ngushtë me të dy aleatët. ”

Njoftimi i erdhi ndërsa udhëheqësit e Bashkimit Evropian filluan bisedimet në kuadër të një samiti mbi marrëdhëniet e tyre me Turqinë.


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto