Mesi do të largohet nga Barcelona, tifozët katalanas “rebelohen” kundër presidentit

12:08 26/08/20202min73

mes

Lajmet nga Argjentina dhe Spanja se Mesi ka kërkuar të largohet nga Barcelona pas përplasjeve me presidentin Bartomeu ka ngritur në këmbë tifozët katalanas. Mbrëmjen e djeshme, disa prej tyre janë grumbulluar përpara selisë së klubit blaugrana duke kërkuar dorëheqjen e presidentit Bartomeu,i cili akuzohet si fajtori kryesor për krizën e rëndë që po kalon klubi dhe skuadra.

“Mesi nuk mund të largohet nga Barcelona”, thërrisnin tifozët përpara selisë së klubit.

 

Dështimi katastrofik në Ligën e Kampioneve me rezultatin 8-2 nxori në shesh të gjitha problemet e Barcelonës duke filluar nga merkatoja e dështuar, shpenzimet marramendëse, mosmarrëveshjet me ish-trajnerin Kike Setien dhe bordin drejtues e presidentin Bartomeu.

kuman barcelona

Me ardhjen e trajnerit të ri Ronald Kuman, përflitet se garda e “senatorëve” të Barcelonës do të spastrohet për t’i hapur rrugën një projekti të ri, por Lionel Mesi konsiderohet “Zoti te Barcelona” dhe largimi i tij konsiderohet një tradhëti nga ana e klubit për tifozët.

Suarez, Rakitiç, Vidal, Mesi, Pike janë shënjestruar si “lojtarët e padëshiruar” te Barcelona.

Tashmë, nuk mund të mendohet për bashkëjetesë midis Bartomeut dhe Mesit, është çështje “ose njëri, ose tjetri”.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto