“Mbrekullia në qelinë Nr. 7” shpallet “Filmi më i mirë i vitit” në Festivalin Ndërkombëtar të Filmit në Izmir

18:19 29/09/20204min123
mbrekullia

“Mbrekullia në qelinë Nr. 7”, apo siç quhet në turqisht, “Yedinci Kogustaki Mucize”, është një film turk i vitit 2019, prodhim i Netflix, i cili ka bërë bujë në trojet shqiptare gjatë kohës së izolimit.

Duke qenë si një nga filmat e preferuar për shumë nga ne, ai akoma po vazhdon të jetë shumë i pëlqyer, e madje duke korrë suksese të mëdha.

Filmi, i cili përloti të gjithë, së fundmi u shpall “Filmi më i mirë i vitit”, përfshirë këtu edhe çmimet e aktorëve kryesorë.

“Miracle in Cell No. 7”

Në Festivalin e tretë Ndërkombëtar të Filmit në Izmir të organizuar nga ASITEM me mbështetjen e Ministrisë së Kulturës dhe Turizmit, ai mori gjithsej gjashtë çmime, përfshirë filmin më të mirë, regjisorin më të mirë, kinematografinë më të mirë, aktorin më të mirë dhe aktorin më të mirë në rol dytësor.

Ndërkaq, aktori në rolin kryesor Aras Bulut Iynemli (Memo) fitoi çmimin “Aktori më i mirë mashkull” dhe Nisa Sofiya Aksongur (Ova) çmimin “Aktorja më e mirë fëmijë”.

Ky projekt është një ripërpunim i filmit të Koresë së Jugut në vitin 2013 me po të njëjtin emër, “Miracle in Cell No. 7”, ku tregon për marrëdhëniet fëmijë-baba.

“Miracle in Cell No. 7”

Filmi sjell aktoren Nisa Sofiya Aksongu si një vajzë të vogël e dëshpëruar për të rikthyer në shtëpi përsëri pa babanë e saj të akuzuar rrejshëm për një vrasje, i cili njëherësh është me aftësi të kufizuara mendore (rol i luajtur nga Aras Bulut Iynemli).

Babai i Ovas, i cili ka një çrregullim, thuhet se është në të njëjtën moshë si Ova mendërisht. Nëna e Ovas kishte vdekur dhe të dy jetojnë në një shtëpi të vogël me gjyshen.

Theksojmë që filmi sado që kishte një ngjarje prekëse, nuk është i bazuar në një ngjarje të vërtetë.

“Miracle in Cell No. 7”

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto