Lavrov anulon vizitën në Berlin, Gjermania dhe Franca thirrje Rusisë të hetojë helmimin e Navalny

17:53 14/09/20202min59

lavrov

Ministri i Jashtëm rus, Sergei Lavrov, anuloi një udhëtim të planifikuar në Berlin për bisedime të Martën, njoftoi Ministria e Jashtme ruse në një deklaratë, duke cituar një ndryshim në orarin e homologut të tij gjerman.

Njoftimi vjen mes tensioneve mbi helmimin e dyshuar të kritikut të Kremlinit, Alexei Navalny, me një agjent nervor Novichok.

Navalny po trajtohet në një spital në Berlin, ku raportohet se është jashtë rrezikut për jetën. Rusia e ka mohuar helmimin dhe ka thënë se nuk ka parë ende prova të helmimit të tij.

Gjermania dhe Franca i bënë thirrje Rusisë të hënën për të bashkëpunuar dhe hetuar atë që i ndodhi Navalny pasi laboratorët në Francë dhe Suedi konfirmuan rezultatet e Berlinit, se Navalny ishte helmuar me agjentin nervor të stilit Sovjetik, Novichok.

Përpjekja e dukshme e vrasjes ka sjellë tensione midis Rusisë dhe Evropës dhe ka nxitur thirrje për sanksione kundër Moskës, përfshirë heqjen e tubacionit Nord Stream 2, një projekt kryesor i Kremlinit për të sjellë më shumë gaz rus drejtpërdrejt në Gjermani nën Detin Baltik.

Ministri i Jashtëm i Rusisë, Sergei Lavrov, akuzoi Perëndimin për përdorimin e incidentit si pretekst për të vendosur sanksione shtesë ndaj Rusisë, njoftoi agjencia e lajmeve Interfax.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto