Laprakë/ Pas arrestimit 2 shpërndarësit e drogës “fundosin” kokën e grupit

11:44 10/09/20205min119
asdfasdfasdfasd

Policia e Tiranës ka arrestuar në zonën e Laprakës në Tiranë një person i cili merrej me shpërndarje të lëndës narkotike të llojit kanabis.

Gjithashtu u arrestuan e pas u proceduan në gjendje të lirë edhe dy shpërndarësit R. L. dhe E. Sh.

Policia kishte marrë informacione lidhur me veprimtarinë e këtyre e personave, ku fillimisht kanë arrestuar dy shpërndarësi, pasi u janë gjetur disa qese me cannabis,  për të cilën janë shprehur se ja shiste një shtetas i cili po qëndronte në një ndërtesë dykatëshe të pabanuar, i identifikuar më vonë nga Policia si shtetasi shtetasi O. N.

Njoftimi i policisë:

Vijojnë operacionet e njëpasnjëshme për parandalimin dhe goditjen e veprimtarisë kriminale në fushën e narkotikëve.

Finalizohet nga Seksioni për Hetimin e Narkotikëve në Drejtorinë Vendore të Policisë Tiranë, operacioni policor i koduar “Lapraka”.

Vihet në pranga poseduesi dhe shpërndarësi i lëndës narkotike, si dhe procedohen penalisht dy shtetas të tjerë.

Sekuestrohen dhjetra doza me lëndë narkotike cannabis sativa dhe 3 aparate celular.

Në vijim të operacioneve të njëpasnjëshme të zhvilluara nga Seksioni për Hetimin e Narkotikëve në Drejtorinë Vendore të Policisë Tiranë, për goditjen e veprimtarisë kriminale në fushën e shpërndarjes së drogave në doza të vogla, bazuar në informacionet e siguruara në rrugë policore, u organizua dhe finalizua operacioni i koduar “Lapraka”, në kuadër të të cilit u bë arrestimi në flagrancë i shtetasit:

O. N., 24 vjeç, lindur në Gjermani dhe banues në Tiranë, poseduesi i lëndës narkotike.

Po në kuadër të operacionit u proceduan në gjendje të lirë shtetasit R. L. dhe E. Sh.

Nga Seksioni për Hetimin e Narkotikëve është marrë informacion në rrugë operative se shtetasi O. N. merrej me shpërndarje të lëndës narkotike të llojit kanabis në zonën e Laprakës, Tiranë, të cilën ia shiste shtetasve të ndryshëm.

Mbi bazën e këtyre informacioneve, shërbimet e Policisë kanë organizuar punën dhe vijuar kontrollet në zonën e Laprakës, ku kanë konstatuar shtetasit R. L. dhe E. Sh., të cilëve gjatë kontrollit fizik të ushtruar, iu është gjetur dhe sekuestruar një sasi lënde e dyshuar cannabis sativa, për të cilën janë shprehur se ja shiste një shtetas i cili po qëndronte në një ndërtesë dykatëshe të pabanuar, i identifikuar më vonë nga Policia si shtetasi shtetasi O. N.

Në vijim të kontrolleve në zonën përreth është konstatuar shtetasi O. N., 24 vjeç. Gjatë kontrollit të zonës ku qëndronte, Policia gjeti dhe sekuestroi 169.4 gramë lëndë të dyshuar kanabis e ndarë në doza gati për shitje si dhe 3 aparate celular.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto