KUJDES! PAMJE TË RËNDA! Skandal në Velipojë, vonesa e Ambulancës i shkakton vdekjen pushuesit

22:01 06/09/20202min39

velipoje

Një pushues nga Kosova humbi jetën pasditen e sotme në plazhin e Velipojës, ngjarje, e cila ka revoltuar jo pak qytetarët e tjerë të pranishëm.

Ata kanë shpërthyer në thirrje për shkak se sipas tyre Ambulanca ka vonuar më shumë se një orë nga momenti kur u kërkua ndihmë.

Klan Kosova ka publikuar një video kur autoambulanca mori trupin e tij teksa pushues të shumtë u shprehën të revoltuar, duke e quajtur të turpshme vonesën e autoambulancës, e thërrisnin “marre, marre”, “o të q… zoti fare”.

Viktima thuhet se është nga qyteti i Ferizajt dhe ishte nxjerrë i gjallë nga uji.

Një tjetër pushues me profesion infermier kishte tentuar që të ndihmojë atë pas nxjerrjes nga uji, pasi ambulanca raportohet të jetë vonuar për një orë.

Sipas dëshmitarëve, i moshuari sapo ka hyrë në ujë për t’u larë, ka pësuar infarkt.

Trupi i të ndjerit është dërguar në morgun e spitalit të Shkodrës, me ambulancën e këtij qyteti, pasi në Velipojë shërbimi i ambulancës është mbyllur në datën 31 gusht.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto