Koeman nuk ndërron mendje, largon nga stërvitja dy yjet e Barçës

09:18 06/09/20202min97

koman

Ronald Koeman ditë më parë është zyrtarizuar si trajner i ri i Barcelonës.

Tekniku holandez ka marrë besimin e klubit për ta rikthyer Barçën në majat e futbollit evropian.

Koeman menjëherë i ka bërë me dije disa futbollistëve që nuk llogarit në shërbimet e tyre.

Luis Suarez dhe Arturo Vidal janë dy nga lojtarët e parë që janë nxjerrë në shitje nga Koeman.

Holandezi nuk llogarit në shërbimet e dy lojtarëve veteran dhe ai tanimë i ka përjashtuar edhe nga stërvitja.

Mediat spanjolle kanë raportuar se gjatë ditës së djeshme, Koeman i ka urdhëruar dyshen që të largohen nga stërvitja në grup.

Vidal dhe Suarez kanë pranuar urdhrin e trajnerit dhe janë stërvitur të veçuar vetëm ata të dy.

Edhe njëherë Koeman tregoi se është një trajner i hekurt që në momentin që merr vendime më nuk kthehet mbrapa.

Suarez dhe Vidal janë në pritje të transferimeve, ku uruguaiani është shumë afër t’i bashkohet Juventusit ndërsa Vidal tek skuadra tjetër italiane Inter.

Leave a Reply

Your email address will not be published. Required fields are marked *