Iu ofruan para punonjësve të aeroportit për të kaluar kufirin, e pësojnë keq dy qytetarët në Rinas (Detajet)

11:47 25/10/20202min91
-640-0-5f9532fca6c1a

Policia e Rinasit njofton se brenda pak orësh ka ndaluar dy persona të cilët tentuan të korruptonin punonjësit e Policisë Kufitare, me qëllim lejimin për të udhëtuar drejt vendeve të BE-së edhe pse nuk plotësonin kushtet.

Kështu, në dy raste të ndryshme, janë vënë në pranga shtetasit A. M., 41 vjeç dhe Q. M., 56 vjeç të cilët i ofruan punonjësit të policisë përkatësisht 50 dhe 100 euro që t’i lejonte të kalonin.

Sipas policisë kufitare, këta shtetas nuk justifikonin qëllimin e lëvizjes dhe nuk plotësonin kushtet për të udhëtuar në hapësirën Schengen.

Policia Kufitare gjithashtu iu bën apel të gjithë shtetasve që duan të udhëtojnë drejt vendeve të BE-së, që në rast se nuk plotësojnë kushtet për të lëvizur në hapësirën Schengen të mos ndërmarrin asnjë veprim të kundërligjshëm, pasi do përballen me ligjin.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto