Grenell reagon ndaj këshilltarit të ish-presidentit Clinton: Administrata Trump do të vazhdojë ta ketë Kosovën në prioritet të lartë

18:39 06/09/20202min93
grenell

I dërguari special i presidentit Donald Trump për dialogun Kosovë-Serbi, Richard Grenell ka reaguar ndaj zëdhënësit të ish-presidentit amerikan Bill Clinton, në lidhje me marrëveshjen për normalizim ekonomik mes dy vendeve.

Grenell në Twitter ka shkruar se ish-zëdhënësi i Clintonit, Joe Lockhart është i inatosur që Kosova dhe Serbia janë pajtuar për bërjen e hapave për normalizim ekonomik.

“Pse u injoruan për kaq gjatë nga Washingtoni? Administrata Trump do të vazhdoj ta ketë Kosovën dhe Serbinë në prioritet të lartë”, shkruan Grenell.

Kosova dhe Serbia kanë nënshkruar të premten marrëveshjen historike në Washington. Marrëveshja u arrit pas bisedimeve në Shtëpinë e Bardhë, për herë të parë në një nivel të lartë të udhëhequr nga Shtetet e Bashkuara të Amerikës.

Në këtë marrëveshje thuhet se Kosova dhe Serbia janë pajtuar për normalizimin ekonomik.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto