Gjykata e Beratit/ Covid-19, reduktohet për të dytën herë brenda një muaji puna, 6 punonjës në karantinë, në pritje të tamponit

17:19 11/11/20202min69
COVID_latest-696x464-370x247 (1)

Gjashtë punonjës të administratës së Gjykatës së Beratit janë karantinuar për shkak se kanë shfaqur shenja të dukshme të Covid-19 dhe për këtë arsye ata kanë kryer edhe tamponin.

Kjo situatë e krijuar brenda Gjykatës së Beratit ka sjellë ditën e sotme edhe marrjen e vendimit për reduktimin e veprimtarisë funksionale të Gjykatës së Beratit,deri në daljen e përgjigjeve të tamponëve që kanë kryer gjashtë punonjësit e kësaj gjykate,përfshi këtu gjyqtarë, sekretare,avokat,punonjës administrate etj.

Që prej ditës së nesërme,Gjykata e Beratit do të funksionojë vetëm për shqyrtimin e kërkesave me karakter urgjent, sipas Vendimit të KLGJ-së.

Reduktimi i punës së Gjykatës së Beratit u ndërmor për të shmangur përhapjen e virusit Covid-19. Pas një mbledhjeje të jashtëzakonshme të zhvilluar sot,pasi u shqyrtua situata lidhur me faktin e vetëizolimit të 6 punonjësve të kësaj gjykate,në pritje të testimit për shkak të pandemisë, Gjykata e Beratit vendosi: 1.Reduktimin e veprimtarisë gjyqësore për një periudhë të pacaktuar,duke gjykuar gjatë kësaj periudhe vetë çështje të karakterit urgjent, masat e sigurisë, çështjet civile ku kërkohet detyrimi ushqimor për fëmijët e mitur dhe çështjet në fazën e hetimeve paraprake që kërkojnë pushimin e gjykimit.

 

Menjëherë pas këtij njoftimi, Drejtoria e Shëndetit Publik në Berat dhe Drejtoria e Higjenës kanë kryer edhe dezinfektimin e të gjitha ambjenteve të brendshme dhe të jashtme të gjykatës.

 

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto