Gjendje e jashtëzakonshme, urdhërohet aktivizimi i ushtrisë – në kryeqytetin e Kirgistanit raportohet edhe për të shtëna armësh

19:51 09/10/20202min160
Kirgistan

Presidenti i Kirgistanit, Sooronbay Jeenbekov, ka shpallur një gjendje të jashtëzakonshme në kryeqytetin Bishkek dhe urdhëroi trupat të vendosen në rrugë ndërsa trazirat përfshinë vendin e Azisë Qendrore.

Zyra e Jeenbekov tha se gjendja e jashtëzakonshme, e cila përfshin një shtetrrethim dhe kufizime të forta të sigurisë, do të jetë në fuqi që nga e premtja deri më 21 tetor.

Në urdhrin e tij nuk thuhej se sa trupa do të vendoseshin ndërkohë që ato janë udhëzuar të përdorin automjete ushtarake, të vendosin pika kontrolli dhe të parandalojnë përplasjet e armatosura.

Ndërkohë, një gazetar i Reuters në kryeqytet dëgjoi të shtëna me armë dhe pa demonstrues nga grupet rivale duke hedhur gurë dhe shishe në drejtim të njëri-tjetrit dhe duke u përleshur.

Njëri prej grupeve u shpërnda, duke shmangur dhunën e mëtejshme dhe dukej se nuk kishte viktima.

Më herët presidenti kishte thënë se ai ishte “i gatshëm të jepte dorëheqjen” sapo të emërohej një kabinet i ri ndërsa politikanët kërkuan një mënyrë për të dalë nga një vakum i pushtetit që ka shtyrë Moskën të flasë për detyrimin e Rusisë për të siguruar stabilitetin.

Rusia e ka përshkruar situatën në Kirgistan, e cila kufizohet me Kinën dhe pret një bazë ushtarake ruse, si “një rrëmujë dhe kaos”.

Kriza teston fuqinë e Kremlinit për të formësuar politikën në sferën e saj në vendet e ish-ndikimit Sovjetik në një kohë kur luftimet kanë shpërthyer midis Armenisë dhe Azerbajxhanit dhe Bjellorusia është përfshirë gjithashtu në protesta.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto