Gazetarja zbulon dy dosjet më të nxehta të SPAK, paralajmëron ‘tronditje’ në nivele shtetërore

09:53 07/10/20202min299
SPAK

Gazetarja Klodiana Lala në një intervistë televizive është shprehur se fillimisht kishte pritshmëri për SPAK, nisur nga fakti se ishte nën tutelën e ndërkombëtarëve.

“Fillimisht kisha një lloj pritshmërie. Pastaj konstatova: Sado t’i financosh ata, së pari lidhet me integritetin. A kemi dërguar njerëzit që kanë genin dhe guximin për t’u përballur me krimin? Unë dyshoj,” tha ajo.

Më pas ajo u mor me dosjet që janë shkatërruar nga SPAK, mes tyre edhe ajo për manipulimet zgjedhore.

“Bundestagu gjerman tha se duhet të dënohen ata që kanë vjedhur vota. Çfarë bëri SPAK? Arrestoi dy komisionerë të vdekur. E di se çfarë më trishtoi? Unë e kam mësuar krejt rastësisht lajmin nga një djalë nga ajo zonë, që më tha se për dy emra që keni nxjerrë, unë kam marrë pjesë në varrim,” tha Lala.

Por cilat janë dosjet e nxehta, hetimi me sukses i të cilave do quhej arritje e madhe për SPAK?

“SPAK ka në dorë një prej dosjeve më të nxehta: atë të inceneratorëve. Nëse do të hetojë me përgjegjshmëri dhe profesionalizëm, por unë dyshoj që aty është një përfshirje të madhe shtetërore. Kjo është një prej dosjeve që SPAK mund të na provojë se është duke bërë punën. Një dosje tjetër e nxehtë, por për të cilën unë nuk kam shumë besim, është ajo e Teatrit Kombëtar,” tha Lala.

Sipas saj, situata e krimit është shpërthyese, sidomos në qytete si Elbasani, Durrësi, Vlora apo Tirana.

“Dari konsiderohet një ndër peshqit e mëdhenj, një ndër personazhet më të mëdhenj të kokainës,” tha ajo.

“Këta kriminelë do të ushtrojnë influencën e tyre në zgjedhje,” paralajmëroi Lala.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto