(FOTO) Atentat te Kodra e Diellit? I riu me Ford i zë pritë Audit luksoz, shoferi e mori para dhe….

10:46 14/09/20202min232
kodra-diellit

Detaje të reja janë mësuar nga ngjarja e ndodhur mbrëmjen e djeshme në zonën e Kodrës së Diellit, te rruga “Bill Klinton” në kryeqytet.

Mësohet se ajo që u përfol fillimisht si aksident ka qenë një atentat, i cili nuk ka shkuar siç duhet.

Sipas newsbomb.al, mjeti tip ‘Ford Focus’ që u largua nga vendngjarja me karrotrecin e Policisë së Shtetit dhe kishte përfunduar mbi trotuar, është përdorur nga atentatori, i cili më pas e braktisi.

Mësohet se drejtuesi i këtij mjeti, i ka zënë prit një mjeti tjetër tip ‘Audi’ dhe ka nisur ta qëllojë fillimisht me levë hekuri duke i thyer xhamat.

Por menjëherë, shoferi i Audit luksoz i ka dhënë gaz dhe e ka marrë përpara Fordin që i kishte zënë rrugën duke e hedhur mbi trotuar, në hyrjen e një shtëpie në krah të rrugës. Kur ka parë se nuk e ka realizuar dot atentatin, i riu drejtues i Ford-it, ka marrë dokumentet nga makina dhe “ia ka futur vrapit”, raporton newsbomb.al.

Në vendngjarje kanë mbërritur më pas forcat e policisë që kanë dokumentuar provat dhe një karrotrec që ka marrë mjetin e braktisur të atentatorit.

Deri tani nuk ka asnjë njoftim zyrtar nga Policia, ndërsa nuk dihet as identiteti i të përfshirëve në atentat. (Marrë nga newsbomb.al)

PAMJE NGA VENDI I NGJARJES

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto