(EMRI) Dalin FOTOT/ Ky është 40-vjeçari i zhdukur prej katër ditësh në Vlorë, makina e tij u gjet e braktisur në…

12:11 16/10/20209min277
ermal-ngucajj

Është publikuar fotoja e 40-vjeçarit Ermal Ngucaj, nga Lepenica e Vlorës, i cili ka humbur kontaktet me familjen, prej katër ditësh.

Kanë qenë vetë familjarët e tij që kanë denoncuar zhdukjen e tij ditën e sotme, ndërsa behet e ditur se makina e Ngucajt është gjetur në Mavrovë të Vlorës.

Makina ka qenë e mbyllur dhe nuk janë gjetur as çelësat dhe brenda saj nuk kishte ndonjë send të dyshimtë, por vetëm atlete dhe rroba.

Ditën e djeshme prindërit e tij treguan se dyshojnë se mund ta kenë rrëmbyer dhe i bënë thirrje policisë për gjetjen e djalit të tij të vetëm, pasi më herët kanë përjetuar vdekjen e një djali tjetër dhe nuk mund ta përballonin edhe humbjen e Ermalit.

Rrëfimi prekës i babait:

Babai i Ermal Ngucaj tha se i kanë humbur kontaktet me djalin që në mbrëmjen e ditës së hënë.

Sipas dyshimeve të tij, 40-vjeçari mund të jetë rrëmbyer.

Ai i ka bërë thirrje shtetit që të angazhojë policinë për gjetjen e djalit të tij.

E marr  unë në telefon djalin dhe nuk na dilte. Erdhëm në shtëpi dhe po rrinim si në gjemba edhe i them kësaj gruas, se ku është ky djali. Ku e di unë më tha. Edhe unë mora nusen në telefon dhe i them nëse ka folur me Ermalin. Ajo më thotë se është shkëputur linja që ditën e hënë në darke dhe se ku ishte nuk e dinte. Të martën në darkë shkova në Vlorë. Vajta te shtëpia dhe nuk ishte në shtëpi. Më pas pyeta në polici dhe më thanë që nuk kemi të tillë emër këtu. Më pas erdhi vajza nga Vlora dhe dhëndri më bindi që të bëjmë denoncimin. Më pas pyeta njërin në Korçë nëse e kishte parë Ermalin, aty ishte dhe një djalë tjetër që shkon shpesh në Mavrovë, dhe më tha që makina e Ermalit është te kthesa e Mavrovës. Erdhi edhe ai na shoqëroi atje dhe makina e tij ishte në rregull dhe rrobat ishin brenda. Iu thashë të mos e preknin makinën dhe lajmëruan policinë dhe makinën e mori policia dhe nuk e di se çfarë ka bërë më tej policia. Mendoj se e kanë rrëmbyer, e kanë gënjyer dhe mund ta kenë dëmtuar djalin“, tha babai i Ermalit.

Ai i ka bërë thirrje shtetit që të gjejnë djalin e tij. Sipas babait të 40-vjeçarit djali i tij mund të jetë dëmtuar.

“Dua djalin, të kërkojë shteti që në Vlorë edhe në Llogara që të futet shteti me imtësi të madhe se mund të jetë dëmtuar djali dhe nuk e di kush mund ta ketë dëmtuar”, tha babai i 39 vjeçarit.

Dëshmia e nënës së 40-vjeçarit:

Ndërkohë, mes lotësh nëna e 39-vjeçarit ka treguar se si i humbën gjurmët e djalit të tyre.

Ajo ka thënë se ka përjetuar edhe vdekjen e djalit tjetër dhe Ermali është djali i tyre i vetëm.

Nëna e Ermalit shpreson që ai të vijë i gjallë në shtëpi, pasi nuk do mund ta përballonte edhe humbjen e djalit të vetëm.

“Me djalin kam folur kur isha në Itali dhe më tha se ishte mirë. Ai na tha se do të na priste në portin e Vlorës për të na marrë. Pasi shkojmë në Vlorë dhe nuk kishim ofertë, burri bën ofertën dhe e merr, por nuk na del në telefon. Më pas pyesim vajzën dhe nusen dhe asnjëra nuk dinte asgjë. Ai ka qenë shumë i mirë dhe shumë i dashur dhe nuk kemi pasur asnjë problem. Ne kemi ndenjur 7 muaj në Itali nuk e dimë se çfarë mund të ketë pasur. As me shokët nuk ka pasur problem. Unë dua djalin, shokët e tij e kanë ngrënë djalin tim në të pabesë. E kanë marrë peng se e kanë plagosur. Katër net sonte, ne presim të shohim raportime për djalin e vetëm. Më ka vdekur edhe një djalë dhe ky i dyti po më largohet dhe dua djalin se s’bën në shtëpi. Sido që të jetë nuk mundem që ta përballoj dot”, tha nëna me lotëve.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto