Ekzekutohet me armë zjarri efektivi i FNSH, pamjet e para nga vendi i ngjarjes

09:37 05/12/20204min144
xhuljo-2

Ekzekutohet me armë zjarri në Lezhë 26 vjeçari Xhuljo Prela, punonjës Policie i FNSH Shkodër.

Të dhënat e para policore bëjnë me dije se trupi i pajetë i tij u konstatua në aksin rrugor Milot-Lezhë, në Gajush. Policia u telefonua fillimisht se mjeti i tij kishte humbur kontrollin e për pasojë ka dalë nga rruga.

“BalkanWeb”raporton  se polici i vrarë në Lezhë ka vetëm 1 plumb në gjoks. Mësohet se ai punonte tek FNSH dhe kishte nisur studimet Bacelor tek Akademia e Sigurisë për të marrë gradën oficer.

Pak orë pasi efektivi i FNSH-së së Shkodrës, Xhuljo Prela 26-vjeç u gjet i vrarë me një plumb në gjoks brenda makinës së tij tip “Volkwagen”, në aksin rrugor Milot-Lezhë, në Gajush, dalin pamjet e para nga vendngjarja.

Përpara mjetit të efektivit që doli nga rruga pak para se policia ta gjente të vrarë, shihen ekspertë të shumtë që kryejnë matjet e nevojshme me qëllim zbardhjen e ngjarjes.

 

foto galeri

 

foto galeri

 

Për zbardhjen e plotë ngjarjes është ngritur një grup i pocaçëm hetimor.

Lezhë/Informacion paraprak

Më datë 05.12.2020, rreth orës 02:20, në Sallën Operative të DVP Lezhë ka ardhur një telefonatë se në aksin rrugor Milot-Lezhë, në Gajush, një automjet ka humb kontrollin dhe ka dalë nga rruga.

Menjëherë kanë shkuar shërbimet e Policisë ku kanë konstatuar në mjetin tip “Volkwagen” shtetasin Xh.P., 26 vjeç, punonjës Policie i FNSH Shkodër, i cili kishte humbur jetën.

Nga veprimet paraprake dyshohet ka humbur jetën nga përdorimi i armës së zjarrit.

Për zbardhjen e ngjarjes është ngritur një grup i pocaçëm hetimor me ekspertët më të mirë të Policisë Kriminale nga Departamenti i Policisë Kriminale dhe të DVP Lezhë, nën drejtimin e Prokurorisë ku vijon intensivisht puna për sqarimin e rrethanave të ngjarjes, me qëllim identifikimin dhe kapjen e autorëve.

Shërbimet e Drejtorisë Vendore të Policisë Lezhë, mbështetur nga FNSH Shkodër dhe forcat speciale RENEA, kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.

 

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto