Dy deputetë pozitivë me Covid-19, qeveria do të punojë online

18:48 11/10/20202min88
Covid Maqedoni

Kryeministri i Maqedonisë së Veriut, Zoran Zaev, sot tha se ai pret që Kuvendi të fillojë të punojë online, pasi dy deputetë dolën pozitivë me Covid-19. Ai beson se qeveria dhe opozita do të bien dakord të punojnë online në mënyrë që buxheti të votohet dhe informohet se seanca e ardhshme e qeverisë do të jetë gjithashtu online me rekomandim të autoriteteve shëndetësore.

“Besoj se Kuvendi do të kalojë menjëherë në opsionin online nëse deputetët bien dakord, në përputhje me procedurën e Rregullores. Qeveria do të ketë seancën e ardhshme online të martën. Ne ende nuk kemi një person me simptoma ose të infektuar, por me rekomandimin e ministrit Venko Filipçe dhe Komisionit për Mbrojtje Shëndetësore na thanë që sipas numrave duhet të përgatitemi për seancat online të qeverisë. Unë besoj se Kuvendi do të jetë shumë i arsyeshëm dhe do të vendosë punë online, me sa mund ta shoh, pothuajse të gjitha parlamentet në rajon dhe në Evropë e kanë bërë atë”, tha Zaev, i cili shtoi se është shumë e rëndësishme që institucionet të funksionojnë, të jenë vigjilentë për të ndjekur këtë periudhë e cila nuk do të jetë aq e lehtë sa vera sepse shohim që numrat janë të mëdhenj.

 

Leave a Reply

Your email address will not be published. Required fields are marked *