Demonstrohet harta, ja si do të kalojë Serbia në Detin Adriatik përmes Kosovës

13:18 07/09/20203min88
Harta

Një fotografi e shpërndarë në rrjetet sociale, e demonstron se si do t’i mundësohet Serbisë dalja në detin Adriatik
Marrëveshja e nënshkruar të premten në Uashington mes Kosovës dhe Serbisë, i mundëson kësaj të fundit dalje në derin Adriatik.

Kjo pasi në një nga 16 pikat e marrëveshjes të nënshkruar në prani të presidentit amerikan Donald Trump, thuhet se të dyja palët, do t’i përkushtohen një studimi të fizibilitetit për mundësitë e lidhjes së infrastrukturës hekurudhore Beograd-Prishtinë me një port në det të thellë në Adriatik.

“Të dyja palët do të zbatojnë marrëveshjen e hekurudhave Beograd-Prishtinë të nënshkruar më 14 shkurt, 2020. Për më tepër, të dyja palët do t’i përkushtohen një studimi të fizibilitetit për mundësitë e lidhjes së infrastrukturës hekurudhore Beograd-Prishtinë me një port në det të thellë në Adriatik.

– Kosova (Prishtina) dhe Serbia (Beogradi) do të punojnë me Korporatën Ndërkombëtare të SHBA-së për Zhvillim Financiar dhe EXIM, në memorandumet e mirëkuptimit, për të operacionalizuar këto:

– Autostradën e paqes

– Lidhjen hekurudhore Prishtinë-Merdare

– Lidhjen hekurdhore Nish-Prishtinë

– Sigurimin e financave për mbështetjen e kredive që kërkohen për ndërmarrjet e vogla dhe të mesme

– Projekte shtesë dypalëshe

– Prani e plotë ndërkombëtare në Beograd, Serbi, e Korporatës Ndërkombëtare të SHBA-së për Zhvillim Financiar”, thuhet në marrëveshje.

E një fotografi e shpërndarë në rrjetet sociale, e demonstron se si do t’i mundësohet Serbisë dalja në detin Adriatik.

Marrëveshjen për këtë pikë e ka kundërshtuar ashpër Lëvizja Vetëvendosje, e cila ka rikujtuar se kur ish-ministri Blerim Reka kishte deklaruar një gjë të tillë, ishte kërkuar me ngulm dorëheqja e tij nga opozita.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto