‘Dashtë Zoti të mos ndahen’ / Ish-deputeti i PD publikon foton e Kryemadhit duke u puthur me Bashën

20:50 22/08/20203min39

Basha-4-1068x602-1-696x392

Kreu i Bindjes Demokratike Astrit Patozi  ka ironizuar deklaratën e kryetares së LSI-së Monika Kryemadhi, e cila u shpreh: “Unë nuk e njoh COVID. Kush beson në Zot, do të jetojë i lumtur pa COVID”.

Për këtë, ish deputeti i PD ka reaguar me një postim në rrjete sociale duke thënë “Dashtë Zoti të mos ndahen”, të cilën e ka shoqëruar me një fotografi ku dy krerët e partive të opozitës jashtëparlamentare shfaqen shumë pranë njëri-tjetrit.

“Në fakt, koronavirusi është një temë shumë serioze, me të cilën nuk mund të bësh dot gallatë dhe nuk mund ta marrësh dot me shaka edhe kur ngjitesh nëpër male për pelegrinazh”, shkruan Patozi.

Postimi i plotë:

DASHTË ZOTI TË MOS NDAHEN!

Pas deklaratës së Monikës nga Mali i Tomorrit për mosnjohjen e COVID 19, duhet kërkuar dhe pritur me mbajtje fryme qëndrimi i Lulzim Bashës për këtë çështje.

Shpresoj ta kenë të rakorduar dhe ta mendojnë njësoj, sepse ndryshe i bie që të lëkundet fort koalicioni i tyre i parimeve të forta, gati 6 muaj para zgjedhjeve.

Në fakt, koronavirusi është një temë shumë serioze, me të cilën nuk mund të bësh dot gallatë dhe nuk mund ta marrësh dot me shaka edhe kur ngjitesh nëpër male për pelegrinazh.

Nuk është, fjala vjen, si debati popullor i ditëve te fundit për njohjen apo mosnjohjen e zgjedhjeve në Bjellorusi nga Shqipëria, së cilës fati i ka qëlluar të jetë kryesuese e OSBE-së.

Madje nuk ka të krahasuar edhe me diferencën mes taksës së sheshtë dhe asaj progresive, që po na shitet sikur do të vendosë fatin e pushtetit të ardhshëm në Shqipëri.

Dashtë Zoti që COVID 10 të mos e ndajë Lulin nga Monika!

DASHTË ZOTI TË MOS NDAHEN!Pas deklaratës së Monikës nga Mali i Tomorrit për mosnjohjen e COVID 19, duhet kërkuar dhe…

Gepostet von Astrit Patozi am Samstag, 22. August 2020

Leave a Reply

Your email address will not be published. Required fields are marked *