“Amerika është rikthyer” Biden: Është “turp” që Trump nuk e pranon rezultatin

11:47 11/11/20202min83
106748412-1602881184740-biden.1910x1000

Presidenti i zgjedhur i Shteteve të Bashkuara, Joe Biden, tha se është “turp” që presidenti Donald Trump nuk e ka pranuar ende rezultatin e zgjedhjeve në SHBA.

“Si mund ta them këtë me takt? Mendoj se nuk do ta ndihmojë trashëgiminë e presidentit”, tha Biden në një ngjarje në Dellauer.

Mediat amerikane e kanë parashikuar fitoren e tij të shtunën, katër ditë pas zgjedhjeve presidenciale të 3 nëntorit.

Por, Trump ka refuzuar të pranojë humbjen dhe, pa sjellë ndonjë provë, ka pretenduar se zgjedhjet janë vjedhur. Trump ka kërkuar rinumërime të votave dhe ka paralajmëruar veprime ligjore.

I pyetur nga gazetarët se cili është plani i tij nëse administrata Trump nuk bashkëpunon në tranzicionin e pushtetit, Biden tha:

”Do të ishte mirë sikur ta kishim [bashkëpunimin e administratës], por nuk është vendimtar. Ne do të bënim pikërisht atë që po bëjmë, edhe sikur ta pranonte humbjen”.

Udhëheqësit botërorë, përfshirë shumicën e aleatëve amerikanë, e kanë uruar Bidenin për fitoren në zgjedhje.

Biden tha të martën se ka biseduar me gjashtë liderë botërorë “për t’iu treguar se Amerika është rikthyer”.

Sipas disa njoftimeve, Biden, në mesin e të tjerëve, ka biseduar me kancelaren gjermane, Angela Merkel, presidentin e Francës, Emmanuel Macron, dhe kryeministrin britanik, Boris Johnson.

Leave a Reply

Your email address will not be published. Required fields are marked *


Rreth Nesh

Pusullashqiptare.al vjen si një iniciativë gazetarësh të rinj që parim themelor kanë informimin e publikut në mënyrë të paanshme. Ne do të jemi gjithmonë të pavarur, të vërtetë, në krah të interesit publik.


Kontakto